Алексей Песошин Татарстанның “Театраль Идел буе” этабында җиңгән спектакльне карады

Татарстан Премьер-министры Алексей Песошин “Театраль Идел буе” фестиваленең төбәк этабында җиңгән “Парковка” спектакленең язмасын карады.

Спектакльне Сөмбел Гаффарова драмасы буенча Казан дәүләт мәдәният институты студентлары куйды. Драмада Фатыйма исемле хатын-кыз үзенең тормышының катлаулы чорында тормыш өстенлекләрен яңадан барлый.

ХАЛЫКЛАР БЕРДӘМЛЕГЕ КӨНЕ БЕЛӘН!

Хөрмәтле татарстанлылар!

Сезне чын йөрәктән Халыклар бердәмлеге көне белән тәбрик итәм!

Без тагын бер кат гаять катлаулы тарихи шартларда, фидакарьләрчә Ватаныбыз абруен һәм дәүләтебез бердәмлеген саклап калган ата-бабаларыбызның зур каһарманлыгын олы ихтирам белән искә алабыз.

Россиянең какшамас көче халыкларының бердәмлегендә булуы вакыт сынаулары аша узып, кат-кат исбатланды. 1612 елгы вакыйгалар, Полтава янындагы бәрелеш, Наполеонга каршы көрәш һәм Бөек Ватан сугышында җиңү – моның ачык мисалы.